ប្រជុំសាមញ្ញលើកទី១៨ អាណត្តិទី២របស់ក្រុមប្រឹក្សាខណ្ឌចំការមន ក្រោមអធិបតីភាព លោក គឹម ឈុនអ៊ូ
30-November-2015 | ដោយ មួយឡា
ភ្នំពេញ៖ សាលាខណ្ឌចំការមន បានបើកប្រជុំសាមញ្ញលើកទី១៨ អាណត្តិទី២ របស់ក្រុមប្រឹក្សាខណ្ឌ នាព្រឹកថ្ងៃទី៣០ ខែវិច្ឆិកា ឆ្នាំ២០១៥ ក្រោមអធិបតីភាព លោក គឹម ឈុនអ៊ូ ប្រធានក្រុមប្រឹក្សាខណ្ឌចំការមន និងលោក ព្រុំ សំខាន់ អភិបាលនៃគណៈអភិបាលខណ្ឌចំការមន។
ក្នុងឱកាសនេះ សមាសភាពចូលរួមមានដូចជា៖ ក្រុមប្រឹក្សាខណ្ឌ គណៈអភិបាលខណ្ឌ នាយក នាយករងរដ្ឋបាល កងរាជអាវុធហត្ថខណ្ឌ នគបាលខណ្ឌ យោធាខណ្ឌ ប្រធានការិយាល័យខណ្ឌ ០៤ ប្រធានការិយាល័យជុំវិញខណ្ឌ ប្រធានផ្សារទាំង៤ ចៅសង្កាត់ទាំង១២ តំណាងប្រជាពលរដ្ឋនិងមន្ត្រីពាក់ព័ន្ធមួយចំនួនទៀត។
កិច្ចប្រជុំនេះ ធ្វើឡើងក្រោមរបៀបវារៈដូចជា៖ ពិនិត្យ និងអនុម័តសេចក្តីព្រាង កំំណត់ហេតុកិច្ចប្រជុំសាមញ្ញលើកទី១៧ របស់រដ្ឋបាលខណ្ឌចំការមន។ ពិនិត្យ និងអនុម័តរបាយការណ៍ប្រចាំខែវិច្ឆិកា ឆ្នាំ២០១៥ របស់រដ្ឋបាលខណ្ឌចំការមន។ ពិនិត្យ និងអនុម័តបែងចែកប្រាក់រង្វាន់លើកទឹកចិត្តប្រចាំខែតុលា ជូនមន្ត្រីបុគ្គលិក សាលាខណ្ឌចំការមន។ ពិនិត្យនិងអនុម័តបឋមលើសេចក្តីព្រាងដីកា ស្តីពីការកំណត់តម្លៃសេវារដ្ឋបាលរបស់រដ្ឋបាលខណ្ឌចំការមន និងបញ្ហាមួយចំនួនផ្សេងទៀត៕
ប្រភព៖ ទំព័រសាលាខណ្ឌចំការមន
ចំនួនអ្នកទស្សនា
- ថ្ងៃនេះ4351
- ម្សិលមិញ2941
- សប្តាហ៍នេះ7301
- ខែនេះ27351
- ឆ្នាំនេះ1010571
- សរុប20238017